大家行足咁多年路，又有無留意自己嘅走路姿勢是否正確呢？原來行得啱係可以令人輕鬆減磅咖！有一位日本院長就提出「走路減肥法」，只要以正確步姿行300步，就可以喺一個月內瘦5公斤，仲能夠改善便秘及水腫問題。
行路姿勢對於體態塑造起咗極大嘅影響，假如用咗錯誤步姿，就會令人嘅雙腿變粗，引起水腫問題。嚴重嘅話，更有機會令你出現偏頭痛、駝背、肩頸痛及骨盆歪斜嘅問題，對生活造成困擾。
日本南青山「由足治療院」院長新保泰秀所發明嘅「走路減肥法」，就係要大家以正確嘅步姿每日行300步，有患者喺實行一個月後，竟然瘦咗5公斤！院長提到要喺改變長期嘅行走習慣並唔係易事，所以佢建議大家可以先喺屋企集中行300步，保證每一步都係正確無誤。
第一步：
向前伸出嘅腿膝蓋要伸直，以腳跟着地，而腳尖就要指向前進方向，以免因出現腳踝左右搖晃嘅情況而影響體態。
第二步：
後方嘅腳就由腳踝開始伸展，將重心移到前腳。而前腳嘅腳踝、膝蓋、腰、肩膀以及耳仔都要保持喺一直線上。
第三步：
踏地時唔好過份用力，後腳踝伸展，然後以滑過前腳膝蓋嘅姿勢向前伸出，呢個動作可以預防小腿變粗，並防止大腿變胖。
第四步：
伸展膝蓋並以腳跟開始着地，將體重移至腳跟前少少嘅位置，咁就可以預防腳踝傾斜，避免全身姿勢隨之歪側。
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
